اللهم صل على محمد وال محمد

مسجون وغريب وماله جاره

وساقه المنجرح دم يتجاره

عاده مابين الحمايل كل غريب بدار غربه
ايطيح بشراك النوايب والنوايب تملي كلبه
ﻻبد من الناس عين اتعينه بيها ايشوف دربه
وباب الحوائج غربته سيف وتكص بجبدته
وماله معين ابشدته غير صبره ولطف ربه
وتصرخ دمعة العين ياباب الحوائج

لو كلت غربة الكاظم بالقلب يسعر جمرها
هاك أخذ يالمحب سجنه وغربته ايهون أمرها
مو سجن طاموره حدر الأرض يامصعب عسرها
ماينسمع بيها اليون المسجون بيها ممتحن
الله الله السجن جبدة الكاظم فطرها
وامرضرض الجنبين ياباب الحوائج

هذا وصف السجن كافي ودمعتك لمصابه هلها
خاف أبينلك مصيبه والمصيبه متحملها
بالسجن يندب الكاظم للسلاسل من يحلها
مسجون وامفارك هله والضرب حيله نحله
الجمر جمر السلسله مهجة الكاظم شعلها
وامكبل المتنين ياباب الحوائج

غربة الكاظم وسجنه هانت ابشدة حديده
انحب انحب يالموالي وزيد ون الجبد زيده
وأرد أبينلك مصيبه وخايف القلبك تجيده
بالكاظم اشسوه الدهر والسندي ماتدري اشسطر
وابيا وجه خله الأثر ابوجه ناموس العقيدة
بكلوب الموالين ياباب الحوائج

شلون أربع طعش عام اكظيتها بشده ونوايب
بالسجون اتلوج روحك والقلب مجمور ذايب
وحدك اتجود وتعالج ﻻعمام وﻻكرايب
صبرك ابحلمك متصل من النوايب ماتمل
تاليها بالسم تنجتل وهاي أمضه أمن المصايب
وفكدك يتم الدين ياباب الحوائج

بالغرب مطروح نعشك والفلك دونك مداره
والملك صاعد ونازل عالجسر نعشك مزاره
وسم البقلبك ابقلبي وجمر يتطاير شراره
والغدر بالسم جتلتك وامحيرين اجنازتك
هزت العالم غربتك بجت اعيون النصاره
وجسمك ظل ثلث تيام مرمي ياباب الحوائج

شيعوا نعشك عبيد الأربعه ابظاهر الحاله
وباطن التشيع آيه ونصت من رب الجلالة
ونزلت اصفوف الأملاك تشيعك بأسم الرسالة
وجبريل وإشراف الملك بأسم الشهادة شاهدك
وعلم الامامه ومسندك للرضا صارانتقاله
وتتصارخ الكونين ياباب الحوائج

عظم الله اجورنا واجوركم سادتي وموالي وائمتي
بمصاب تاسع أنوار العترة الطاهرة عليهم السلام
سيدي ومولاي موسى بن جعفر سلام الله عليه
السلام عليك ياسيدي ومولاي يوم ولدت طاهرا مطهرا ويوم ظلمت ويوم استشهدت مسموما مظلوما انا لله وانا اليه راجعون
سيرة الإمام الكاظم عليه السلام
الاسم موسى عليه السلام
اللقب الكاظم الكنية أبو الحسن
أسم الأب جعفر بن محمد الصادق
اسم الأم حميدة محل الولادة الابواء بين مكة والمدينة
تاريخ الولادة 7 صفر 127 هو
أشهر الألقاب الكاظم كتابه الخاتم حسبي الله
العمر الشريف 55سنة عدد البنون 18 عدد البنات 19
الشهادة 25 رجب 183 ه قاتله وسبب قتله هارون الرشيد بسبب السم الذي سقاه اياه مكان الدفن العراق الكاظمية
روحي له الفداء ياباب الحوائج اللهم يقضي حوائج الجميع اميييييييييييييين